Opozita bullgare do të kërkojë votim të ri mosbesimi për shkak të problemeve me BE

04/07/2008

SOFJE, Bullgari -- Opozita ka në plan një votim të ri mosbesimi kundër kabinetit bazuar në problemet me përthithjen e fondeve të BE dhe korrupsionin, tha të enjten (3 korik) bashkëkryetari i i Bashkimit Popullor të Bullgarisë, Stefan Sofjanski. Partitë e opozitës kanë në plan të harxhojnë rreth një javë duke diskutuar mocionin dhe drejtuar rastin. Raportet e medias sugjerojnë se ato do ta nisin mocionin përpara raportit të rregullt nga Komisioni, që është në fund të korrikut, për të shmangur marrjen nga parlamenti të pushimit veror përpara se të mbahet votimi. Raporti i KE pritet të kritikojë Bullgarinë për korrupsionin dhe keqpërdorimet e rrjedhura nga shfrytëzimi i fondeve të BE në muajt e fundit, si dhe për skandalet e fundit që tronditën ministrinë e brendëshme. (24 Chasa - 04/07/08; Focus, bTV, Dnevnik - 03/07/08)