RS propozon marrëveshje të marëdhënieve të posaçme me Malin e Zi

04/07/2008

PODGORICË, Mali i Zi -- Kryeministri i Republika Serpska (RS) Milorad Dodik u takua me homologun e tij malazes Milo Gjukanoviç në Podgoricë të enjten (3 korrik)dhe sugjeroi një marrëveshje marrëdhëniesh të veçanta për t'u nënshkruar midis njësisë dhe Malit të Zi. Dodik tha se Marrëveshja e Dejtonit i jep RS të drejtën të miratojë marrëveshje të tilla. RS ka ndërkaq një të tillë me Serbinë, pavarësisht nga kritika e ashpër nga njësia tjetër, Federata e BiH. Dodik dhe Gjukanoviç diskutuan gjithashtu bashkëpunimin për energjinë, transportin, turizmin si edhe mundësinë e ndërtimit të një kalimi tjetër kufitar.

Presidenti maqedonas Branko Crvenkovski ishte në Podgoricë të enjten duke takuar presidentin Filip Vujanoviç. Ata u përqëndruan në përpjekjet për të nxitur marrëdhëniet ekonomike dhe mundësinë që të dy vendet të mbështesin njeri tjetrin në përpjekjet e tyre integruese evro-atllantike. Pas takimit, Vujanoviç tha se se do të vendoset shërbimi ajror i rregullt midis Malit të Zi dhe Maqedonisë. (RTRS, PBS, RTCG, MRT, MIA - 03/07/08)